भरतपुर महानगर मेयरका बागी उम्मेदवार पौडेलले उम्मेदवारी फिर्ता नलिने

भक्तपुर  : भरतपुर महानगरपालिकाको मेयर पदमा बागी उम्मेदवारी दिएका नेपाली कांग्रेसका नेता जगन्नाथ पौडेलले गृहमन्त्री बालकृष्ण खाँणलाई पनि उम्मेदवारी फिर्ता नलिने जवाफ दिएका छन् ।
गृहमन्त्री खाँणले फेरि छलफल गर्ने प्रस्ताव राखेको र आफूले हुन्छ भनेको जानकारी पनि उनले दिए ।
आज बिहान गृहमन्त्री खाँणलाई भेटेपछि पत्रकारहरुसँग कुरा गर्दै पौडेलले उम्मेदवारी फिर्ता नहुने ठाउँमा पुगिसकेको जवाफ आफूले दिएको बताए ।
पौडेललाई भेटेपछि गृहमन्त्री खाँणले पौडेलले उम्मेदवारी फिर्ता लिने विश्वास व्यक्त गरेको बताए ।
पौडेल कांग्रेसको प्रतिबद्ध कार्यकर्ता भएको भन्दै खाँणले पार्टीको निणर्य कार्यान्वयनमा उनले मद्दत गर्ने विश्वास व्यक्त गरे ।