आइतबार अस्पतालका ओपीडी बन्द नगर्ने स्वास्थ्यमन्त्रीेको भनाइ

 भक्तपुर  :  सरकारले जेठ १ गतेदेखि शनिबार र आइतबार २ दिन सार्वजनिक बिदा दिने निणर्य गरेपछि स्वास्थ्य संस्थाबाट उपलब्ध हुने सेवा के हुन्छ भन्ने बारेमा धेरै जनाको चासो बढेको छ ।

शिक्षा, विज्ञान तथा प्रविधि मन्त्रालयले स्कुल र कलेजहरु पनि सरकारी कार्यालय जस्तै हप्ताको २ दिन बन्द हुने जानकारी दिएको छ ।

स्वास्थ्य तथा जनसंख्या मन्त्रालय भने लगातार २ दिन ओपीडी सेवा बन्द नगर्ने पक्षमा रहेको छ । अन्य सरकारी सेवा सातामा २ दिन बन्द भएपनि आइतबार अस्पतालका ओपीडी बन्द नगर्ने स्वास्थ्यमन्त्री विरोध खतिवडाले जानकारी गराउनुभयो ।

स्वास्थ्य संस्थाबाट उपलब्ध हुने सेवा कसरी व्यवस्थापन गर्ने भन्ने विषयमा थप छलफल भएपछि मात्रै निणर्य हुने मन्त्रालयकी प्रवक्ता डा. संगिता मिश्राले बताउनुभयो ।

लगातार २ दिन सार्वजनिक बिदा हुँदा बिरामी मारमा पर्ने भएकाले स्वास्थ्य सेवालाई निरन्तरता दिनुपर्ने अस्पताल व्यवस्थापक तथा जनस्वास्थ्यविदहरुको भनाइ छ ।