उम्मेदवारीको आजै अन्तिम नामावली प्रकाशन गरिने

भक्तपुर : वैशाख ३० गते हुन गइरहेको स्थानीय निर्वाचनका लागि मनोनयन दर्ता गरेका उम्मेदवारले उम्मेदवारी फिर्ता लिन चाहेमा आज बेलका ५ बजेसम्ममा फिर्ता लिन सक्ने निर्वाचन आयोगले जनाएको छ। निर्वाचनका लागि वैशाख ११ र १२ गते मनोनयन दर्ता गरेका थिए।

वैशाख ११ र १२ मा उम्मेदवारी दर्ता गरेका उम्मेदवारले उम्मेदवारी फिर्ता लिन चाहे मुख्य निर्वाचन अधिकृत तथा निर्वाचन अधिकृत कार्यालय पुगेर उम्मेदवारी फिर्ता लिन सक्नेछन् ।

आजै ५ बजेपछि अन्तिम नामावली प्रकाशन गर्ने तयारीसमेत निर्वाचन आयोगले गरेको छ। विभिन्न दलमा परेका वागी उम्मेदवारलाई सम्बन्धित दलका नेताहरुले उम्मेदवारी फिर्ता लिनसमेत अपिल गरेका छन् ।

सबैभन्दा बढी किचलो नेपाली कांग्रेसमा देखिएको छ। कांग्रेस सभापति शेरबहादुर देउवाले विज्ञप्ति नै जारी गरी गठबन्धनविरुद्ध परेका वागी तथा स्वतन्त्र उम्मेदवारलाई आज ५ बजेभित्र उम्मेदवारी फिर्ता लिन आग्रह गरेका छन्।