बाम लोकतान्त्रिक गठबन्धनद्वारा घरदैलो अभियानको सुरुवात

भक्तपुर/   स्थानीय तहको चुनाब आउँन १२ दिन मात्रै बाँकी छ । दलहरु यति बेला स्थानिय निर्वाचन नजिकिदै गर्दा आ–आफ्नो उम्मेदवार लिएर घरदैलो कार्यक्रममा ब्यस्त रहेका छन् । आफ्नो नगर र वडाको विकास र समृद्धिका लागि भन्दै भक्तपुरको सुर्यविनायक नगरपालिकामा बाम लोकतान्त्रिक गठबन्धनले घरदैलो अभियानको सुरुवात आज बिहान बाट गरेको छ । नेपाली काग्रेसका तर्फबाट निसान ढुंगेल मेयरमा र नेकपा एकीकृत समाजबादीका तर्फबाट उपमेयर श्याम बस्नेतको उमेद्वारी रहेको नगरमा संयुक्त रुपमा वडाहरुमा समेत गठबन्धन रहेको छ ।

मेयर र उपमेयरका उम्मेदवार सहित उहाका टिम यति बेला जनताको समस्या र आफ्नो पार्टीका लागि भोट माग्दै घरदैलो चुनावी प्रचारप्रसारमा ब्यस्त रहेका छन् ।
यो चुनाबी महोत्सवलाई विजयी यात्राका रुपमा अगाडि बढाउन बाम लोकतान्त्रिक गठबन्धनले आजबाट चुनावी अभियान अन्तर्गत घरदैलो अभियान सुरु गरेको छ ।
घरदैलो अभियान सूर्यविनायक नगरपालिका–५ कटुन्जे बाट सुरु गरेको छ । आज सुरु भएको अभियानमा नेपाली काग्रेसबाट मेयर पदमा उम्मेदवारी दिनु भएको ढुंगेल र उपमेयरमा उम्मेदवारी दिनु भएको एकिकृत समाजवादीका बस्नेतले सयुक्त रुपमा प्रतिवद्धता जनाउदै सुर्यविनायक नगरको समग्र विकास एमाले नेतृत्ववाट असम्भव भएको प्रमाणित भैसकेको बताउनु भएको थियो ।

एमालेले नेतृत्व गरेको सुर्यविनायक नगरपालिकामा उदाहरण दिन सकिने एउटापनि उल्लेख्य काम नभएको भन्दै आम जनताको जिबनस्थर उकास्ने कुनै कामनै  नभएको उपमेयरका उमेद्वार बस्नेतले बताउनुभयो एमाले नेतृत्वको स्थानिय सरकारले एउटा पनि अल्पकालिन र दिर्घकालिन योजना बनाएर विकास निर्माणको थालनि गरेको एउटा पनि काम देखिएन उहाले भन्नुभयो ।

नगरप्रमुखका उम्मेदवार ढुंगेलले काग्रेसको नेतृत्वमा निर्वाचन जितेर नगरमा वार्षिक क्यालेण्डर बनाएर प्रतिवद्धता पुरा गर्ने भन्दै नगरबासिलाई प्रजातन्त्र प्राप्ती अनुभुति दिलाउने बताउनु भएको छ । ढुंगेलले सुर्मायविनायक नगरमा करको दायरा बढाउने र करको दर घटाउने मतदातासंग प्रतिवद्धता पनि व्यक्त गर्नुभएको थियो । प्रमाण, तथ्य र तथाङ्कको आधारमा वजेट नीति र योजना तर्जुमा गर्ने भन्दै सुर्यविनायक नगरमा एमालेको एकतन्त्रिय सेवा नभई शासनको अन्त्यको लागि गठबन्धनलाई मतदान गर्न पनि ढुंगेलले आग्रह गर्नुभएको थियो । चुनावी प्रचार–प्रसारसँगै नगरका अग्रज व्यक्तिहरुबाट आर्शिवाद लिदै मेयर र उपमेयर पदको उम्मेदवार ढुंगेल र बस्नेत लगायतको टोलि घर दैलोमा भोट माग्ने दौडधुपमा छन् । आफ्नो वडा आफै बनाउ भन्दै गठबन्धनका उमेद्वार यति बेला जनताको समस्या र विकासका बारेमा बुझ्दै जनताको घर आँगनमा पुगिरहेका छन् ।

चुनाव प्रसार प्रसारको नेतृत्व गदै गठबन्धन दलका नेता तथा कार्यकर्ताहरु यतिबेला गठबन्धन बाट साझा सम्मेदवार बनेका बस्नेत र ढुंगेल लाई जितउनका लागि घरदैलोमा उम्मेदवार सहित भोट माग्न लागि परेको बताएका छन् । यस पटक यस ठाउँमा विकास गर्ने र विकास प्रेमी नेता उम्मेदवार पाएका छौ । सबै जनताहरु खुशी भई विकास प्रेमी गठबन्धन बाट साझा सम्मेदवार बनेका बस्नेत र ढुंगेल जस्तो मेयर र उपमेयर पाएकोमा सबै मतदाता मत हाल्न आतुर रहेको समेत चुनाव प्रचार प्रसारमा हिडेका नेता कार्यकर्ताले बताए । यस भन्दा अगाडि एमालेका नगर प्रमुखको पाच बर्षको काम हेरिसकेका नगरबासीले यो पटक भने नेतृत्व परिवर्तन गरी गठबन्धनका साझा उम्मेदवार लाई जनताले रुचाएको समेत स्थानियको भनाई छ ।