एमालेबाट नगर प्रमुख र उपप्रमुखमा निर्वाचित थापा र भट्टराई लाई उपमेयरका प्रत्यासी बस्नेतले दिए बधाई

भक्तपुर/ सूर्यविनायक नगर प्रमुखमा निर्वाचित एमालेका बासुदेव थापा र उमपेयरमा निर्वाचित सरिता भट्टराई लाई उपमेयरका प्रत्यासी उम्मेदवार नेकपा एकिकृति समाजबादिका श्याम सुन्दर बस्नेतले बधाई दिनु भएको छ ।

नेकपा एमालेले हिजो  सूर्यविनायकस्थित पार्टी कार्यालयबाट विजय र्याली आयोजना गरेको छ । सूर्यविनायक पार्टी कार्यालयबाट निस्केको विजय र्याली सूर्यविनायक नगरपालिकाको सुन्दरबस्ती, पाण्डुबजार, सल्लाघारी हुदै कटुञ्जेस्थित चक्रपाणाी चोकमा पुगेर सभामा परिणत भएको थियो । यता नगर प्रमुखमा थापा र उपप्रमुखमा भट्टराई विजयी भए पछि असल संस्कारलाई अंगाल्दै एमालेको विजय र्यालीमा नै पुगेर बस्नेतले टीका तथा खादा लगाई बुकी दिएर बधाई तथा सफल कार्यकालको शुभकामना व्यक्त गर्नु भयो । नवनिर्वाचित थापा र भट्टराईले बस्नेतलाई नगरपालिका सबै जनताको भएकाले आफूहरु सबै जनताको पक्षमा काम गर्ने बताउनु भयो । उहाँले कुनै पनि दल, संघ, संगठन, जात, धर्म नहेरी सबै नागरिक,पार्टी कसैलाई भेदभाव नगरी समान रुपमा व्यबहार गरि विपक्षी दलसंग पनि सहयोग र सहकार्य गरेर अगाडि बढ्ने बताउनु भयो।
सबै मिलेर नगरपालिकाको बिकास गर्ने, सबैको सल्लाह, सुझाबमा अगाडि बढ्ने बताउनु भयो । उहाँले प्रतिस्पर्धा आजबाटै सकिएकाले अब सबै मिलेर नगरपालिकाको बिकासमा एक्यबद्धता भएर काम गर्ने बताउनु भयो ।