काभ्रेको मण्डनदेउपुरको नगर प्रमुखमा समाजवादीका वाइबा विजयी

भक्तपुर/ एमालेका नेता एवं पूर्वमन्त्री गोकुल बास्कोटाको गृहनगर काभ्रेको मण्डनदेउपुरमा गठबन्धनका उम्मेदवारहरू विजयी भएका छन्। मण्डनदेउपुर नगरपालिकाको प्रमुखमा नेकपा एकीकृत समाजवादीका टोकबहादुर वाइबा विजयी हुनुभएको छ।

नगर प्रमुखमा एकीकृत समाजवादीका वाइबाले ९ हजार ४०६ मत प्राप्त गर्नुभएको छ। उहाँका प्रतिस्पर्धी एमालेका विदुर सापकोटाले भने ८ हजार ३५१ मत ल्याउनुभएको छ।

यस्तै, उपप्रमुखमा नेपाली कांग्रेसका विष्णुमणि नेपाल विजयी हुनुभएको छ। उपप्रमुखमा नेपाली कांग्रेसका नेपालले ११ हजार ३०५ मत ल्याउदा उहाँका निकटम प्रतिस्पर्धी एमालेका सरिता ढकालले ६ हजार ९२४ मत प्राप्त गर्नुभयो।

मण्डनदेउपुर नगरपालिकाको वडा नम्बर १,४,५ र ७ मा एमाले विजयी भएको छ। यस्तै २,३, ६,९, १०, ११ र १२ मा नेपाली कांग्रेसले जित हात पारेको छ। यस्तै ८ नम्बरमा भने माओवादी केन्द्रले जितेको छ।