आज:
२०८२ पौष ३०, बुधबार
उज्यालो समाचार
May 25, 2022 मा प्रकाशित (३ साल अघि)
अनुमानित पढ्ने समय : १ मिनेट
भक्तपुर/ गत वैशाख ३० गते सम्पन्न स्थानीय तह निर्वाचनको मतगणना कार्य अन्तिम चरणमा पुगिसकेको छ । स्थानीय तहको निर्वाचन २०७४ को तुलनामा यस पटकको निर्वाचनमा महानगरपालिका प्रमुखले भारी मतान्तर बढाउन सफल भएका छन् ।
कुन महानगरमा कसको कति मतान्तर ?
वीरगञ्ज महानगरपालिका : साढे २२ हजार मतान्तर
वीरगञ्ज महानगरपालिका प्रमुखमा जनता समाजवादी पार्टीका राजेशमान सिंह भारी मतान्तरसहित विजयी भएका छन् । सिंहले ४६ हजार २१५ मत पाउँदा उनका निकटतम प्रतिद्वन्द्वी एमालेका विजय कुमार सरावगी २३ हजार ६७१ मतमा रोकिए । महानगर प्रमुखमा सिंह २२ हजार ५५५ मतान्तरले विजयी भए ।
उपप्रमुखमा विजयी नेपाली काँग्रेसका इम्तियाज आलमले ३० हजार ७८ मत पाए । उनका प्रतिस्पर्धी लोकतान्त्रिक समाजवादी पार्टीका उम्मेदवारले ९ हजार ५६८ मतमात्रै पाए । उपमेयर आलमले २० हजार ५१० मतको फराकिलो अन्तरले जित हासिल गरे ।
वीरगञ्जमा २०७४ सालको निर्वाचनमा तत्कालीन राष्ट्रिय जनता पार्टी नेपालबाट प्रमुखमा उठेका राजेशमान तत्कालीन संघीय समाजवादी फोरमका उम्मेदवार विजय सरावगीसँग पराजित भएका थिए । सरावगीले १९ हजार ३९३ मत ल्याउँदा राजेशमानले १२ हजार १६५ मत ल्याएर तेस्रो भएका थिए ।
भरतपुर महानगरपालिका : १२ हजारको मतान्तर
चितवनको भरतपुर महानगरपालिका प्रमुखमा रेनु दाहाल विजयी भएकी छन् । उनले ५२ हजार ३० मत पाइन् । उनका निकटतम प्रतिस्पर्धी एमालेका विजय सुवेदीले ३९ हजार ५८१ मत पाए । रेनुले १२ हजार ४४९ मतान्तरमा जित हासिल गरेकी हुन् ।
उपप्रमुखमा निर्वाचित काँग्रेसका चित्रसेन अधिकारीले ५२ हजार ८०३ मत पाउँदा उनका निकटम प्रतिस्पर्धी राप्रपाकी हिमला गुरुङले ३० हजार ६१२ मत पाइन् । अधिकारीले २२ हजार १९१ मतान्तरमा जित हासिल गरेका हुन् ।
२०७४ सालको स्थानीय तह निर्वाचनमा भरतपुर महानगर प्रमुखमा रेनु दाहाल झिनो मतान्तरले विजयी भएकी थिइन् । नेकपा एमालेका उम्मेदवार देवी ज्ञवालीसँग उनले जम्मा २०३ मतको अन्तरमा जित हासिल गरेकी थिइन् । अघिल्लो चुनावमा रेनुले ४३ हजार १२७ मत पाएकी थिइन् । उनका निकटतम प्रतिस्पर्धी एमालेका देवी प्रसाद ज्ञवालीले ४२ हजार ९२४ मत पाएका थिए ।
ललितपुर महानगरपालिका : १८ हजारको मतान्तर
ललितपुर महानगर प्रमुखका लागि काँग्रेसका उम्मेदवार चिरीबाबु महर्जन फराकिलो मतान्तरले जीत हासिल गरेका छन् । उनले ४२ हजार ७२२ मत पाउँदा एमालेका उम्मेदवार भन्दा १८ हजार १६२ मतान्तरले विजयी बने । उनका प्रतिस्पर्धी हरिकृष्ण व्यञ्जनकारले २४ हजार ५ सय ६० मत पाएका छन् ।
अघिल्लो निर्वाचनमा चिरीबाबु महर्जन र हरिकृष्ण ब्यञ्जनकारबीच नै प्रतिस्पर्धा भएको थियो । त्यतिबेला महर्जनले २४ हजार ६४२ मत पाएका थिए भने ब्यञ्जनकारले २४ हजार ३१६ मत पाएका थिए । त्यतिबेला चिरीबाबु ३२६ मतान्तरले विजयी भएका थिए ।
पोखरा महानगरपालिका
कास्कीको पोखरा महानगरपालिका प्रमुखमा नेकपा एकीकृत समाजवादीका उम्मेदवार धनराज आचार्य विजय बनेका छन् । उनले एमालेका उम्मेदवार कृष्णबहादुर थापाभन्दा ६ हजार ४५ मत बढी ल्याएर जीत हासिल गरेका छन् । आचार्यले ५८ हजार ८९३ मत ल्याउँदा थापाले ५२ हजार ८४८ मत पाएका छन् ।
२०७४ सालको निर्वाचनमा एमालेका मानबहादुर जिसी ६० हजार १११ मत पाएर विजयी भएका थिए । उनका प्रतिस्पर्धी काँग्रेसका रामजी कुँवरले ४६ हजार ४१६ मत पाएका थिए ।
विराटनगर महानगरपालिका
विराटनगर महानगरपालिका प्रमुखमा नेपाली काँग्रेसका नागेश कोइराला ३० हजार १७० मत पाएर विजयी भएका छन् । उनी ८ हजार ७१५ मतान्तरले विजयी भएका हुन् । उनका निकटतम प्रतिस्पर्धी एमालेका सागरकुमार थापाले २१ हजार ४५५ मत पाएका छन् ।
२०७४ सालको स्थानीय तह चुनावमा काँग्रेसका भीम पराजुली २३ हजार ३१ मत पाएर विजयी भएका थिए । उनले निकटतम प्रतिस्पर्धी एमालेका विनोद प्रसाद ढकाललाई ५ हजार ७१० मतान्तरले पराजित गरेका थिए । ढकालले १७ हजार ३२१ मत पाएका थिए ।
काठमाडौं महानगरपालिका : २० हजारको मतान्तर
काठमाडौं महानगरपालिका प्रमुखका स्वतन्त्र उम्मेदवार बालेन्द्र साहले ५० हजार ३३९ मत पाएका छन् । मतगणना चलिरहँदा उनले झन्डै २० हजारको मतान्तर कायम गरेका छन् । उनका निकटतम प्रतिस्पर्धी काँग्रेसकी सिर्जना श्रेष्ठले ३० हजार ९५४ मत पाएकी छन् । एमालेका उम्मेदवार केशव स्थापितले ३० हजार ३३६ मत पाएका छन् ।
यसअघि २०७४ सालको स्थानीय तहको निर्वाचनमा एमालेबाट प्रमुखमा निर्वाचित विद्यासुन्दर शाक्यले ६४ हजार ९१३ मत पाएका थिए । उनले काँग्रेसका राजुराज जोशीभन्दा १९ हजार ६४४ मत बढी ल्याएका थिए ।
महानगरबाट बढारियो एमाले
२०७४ सालको स्थानीय तहको निर्वाचनमा देशका ६ महानगरमध्ये २ वटामा एमालेले जितेको थियो । काँग्रेसले २, माओवादी केन्द्रले १ र तत्कालीन संघीय समाजवादी फोरमले १ स्थानमा जित हात पारेका थिए । काँग्रेसले यसअघि जित हात पारेको ललितपुर र विराटनगर महानगर सुरक्षित गरेको छ । उता वीरगञ्जमा यसअघिको संघीय समाजवादी फोरम र हालको जसपाले पनि आफ्नो सिट जोगाउन सफल भएको छ ।
यस्तै माओवादी केन्द्रले भरतपुर महानगरपालिका पनि जोगाउन सफल भएको छ । एमालेले जितेको काठमाडौं महानगरपालिकामा स्वतन्त्र उम्मेदवार बालेन्द्र साहले र पोखरा महानगरपालिकामा नेकपा एकीकृत समाजवादीका धनराज आचार्य विजयी हुने निश्चित भएको छ । महानगरपालिकाको नेतृत्वबाट एमाले बाहिरिन पुगेको छ ।
स्रोतमा देखाइएको र जानकारी खुलाइएका बाहेक उज्यालो मा प्रकाशित सम्पूर्ण सामग्रीहरू समाचार हरु मदरल्याड सन्चार नेटवर्कका सम्पत्ति हुन् । हामिले प्रकाशित गरेका कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध गर्दछौ तपाईंको माझ मा पुर्णरुपमा सुचना र समाचार सहित हामी उज्यालो समाचार डट कम लिएर आइसकेका छ्म ।। तपाईंको सल्लाह र सुझाव को तीब्र पर्खाइमा हुनेछौ धन्यवाद ।।।।
नम्रता निरौला
विपिन ढुंगाना
तिर्थ नेपाली
बबिता परियार
मदरल्याण्ड सञ्चार नेटवर्क प्रा.लि.
सुर्यविनायक नगरपालिका-५, भक्तपुर, नेपाल
फोन नं. - +977-016620586, 9841539373
ईमेल: [email protected]
सूचना विभाग दर्ता नम्बर: १२४४/०७५-७६
प्रेस काउन्सिल दर्ता नम्बर: २८२८
वेबसाईट : ujyaalosamachar.com
गायक प्रशान्त तामाङको निधनमा प्रधानमन्त्री मोदीले गरे दुःख व्यक्त ।
ग्यास सिलिण्डर पड्किँदा भारतमा ९ जना नेपाली मृत्यु ।
सुन तोलाको २ लाख ७६ हजार ५ सय रुपैयाँ पुग्यो ,अझै बढ्न सक्ने सम्भावना ।
भक्तपुरको हनुमन्ते खोलामा एक पुरुष मृत फेला ।
