माउन्ट सिनाइ एकेडेमीमा बधाइ तथा विदाइ कार्यक्रम सम्पन्न

भक्तपुर/माउन्ट सिनाइ एकेडेमीले माउन्ट सिनाइ इंगलिस बोर्डिग स्कुल र माउन्ट सेव इंगलिस बोर्डिग स्कुलबाट एस.ई.ई. उतीर्णहरु विद्यार्थीहरुलाई बधाई तथा विदाइ कार्यक्रम सम्पन्न गरेको छ । कार्यक्रममा सो दुइ स्कुलका २०७६ देखी २०७८ सम्मका तीन एस.ई.ई ब्याचलाई बधाइ तथा विदाइ गरिएको थियो ।

एकेडेमीका डाइरेक्टर डा. ज्ञानकृष्ण कायष्थको सभापतित्वमा सम्पन्न सो कार्यक्रमका प्रमुख अतिथि डा. देवी गुरुंगले आफनो कठिन जीवनका दिनहरुवारे स्मरण सुनाउँदै लक्ष्यमा निरन्तर लागि रहे जीवनमा सफलता हासिल गर्न सक्ने बताउनु भयो ।

माउन्ट सिनाइ इंगलिस बोर्डिग स्कुलका प्रिन्सिपल विप्लव प्रजापति र माउन्ट सेव इंगलिस बोर्डिग स्कुलका प्रिन्सिपल राजेश्वरी कायष्थले विद्यार्थीहरुलाई बधाइ ज्ञापन गर्नु भएको कार्यक्रममा विद्यार्थीहरु आयुष थापा, अग्रिम श्रेष्ठ लगायतले पठन शैली र अनुभववारे भनाइ राख्नु भएको थियो ।
गायन, नृत्य लगायतका सांस्कृतिक प्रस्तुतिहरु सहित सम्पन्न गरिएको कार्यक्रममा लिपा दायगिंको भूमिकामा कठिन तान्त्रिक नाच लायकू भैलः २०७९मा सहभागी सो स्कुलका पुर्व विद्यार्थी श्रयन श्रेष्ठलाई कदर पत्र पनि प्रदान गरेको थियो ।