अज्ञात समूह बाट एकीकृत समाजवादी भक्तपुर अध्यक्ष बस्नेत परिवारलाई ज्यान मार्ने धम्की

भक्तपुर — नेकपा (एकीकृत समाजवादी) भक्तपुरका अध्यक्ष श्याम बस्नेतको भक्तपुर गठ्ठाघरस्थित घरमा अपरिचित समूह प्रवेश गरी परिवारका सदस्यलाई ज्यान मार्ने धम्की दिएको छ । अज्ञात समूहले शनिबार बिहान ३ बजेतिर घरमा प्रवेश गरी ढोका फोड्नुका साथै ज्यान मार्ने धम्की दिएको छ ।

बस्नेतकी श्रीमती उषा कार्की बस्नेतकाका अनुसार घरमा भाडामा बस्ने पहिलो र दोस्रो तलाका सबै ढोका बन्द गरेर उक्त समूह तेस्रो तलामा पुगेको थियो ।

अपरिचित अज्ञात समूहले बस्नेतको जेठा छोरालाई पेस्तोल देखाएर अपहरण प्रयास गरेको श्रीमती कार्कीले बताउनुभयो ।कार्कीका अनुसार ५ जनाको समूहमा आएका थिए । बस्नेत भने कामको सिलशिलामा पोखरामा हुनुहुन्त्यो ।

घरमा अपरिचित तलका दुइटा तलामा भाडामा बस्नेलाई पनि ढोकामा चुकुल लगाएर तेस्रो तलामा पुगेको कार्कीले बताउनुभयो। बस्नेतको घरमा जानुअघि एक स्थानीय व्यापारीलाई घर सोधीखोजी गरेको पनि खुलेको छ ।

यसैबिच यता घटना बारे जिल्ला प्रहरी कार्यालय भक्तपुरमा बुज्दा प्रहरी परिसरका उपरीक्षक(एसपी प्रजित केसीले अज्ञात समूह घरभित्र प्रवेश गरेर परिवारका सदस्यलाई धम्क्याएको भन्ने खबर आएको र घटना सम्बन्धमा अनुसन्धान भइरहेको बताउनुभयो ।