भक्तपुरमा दुई दिने Teaching तालिम सम्पन्न

भक्तपुर, Regional English Language Office (RELO), अमेरिकी दुतावास काठमाडौंकाे आर्थिक तथा शैक्षिक सहयोगमा अमेरिकी तालिम सहजकर्ताहरू/प्रशिक्षकहरू डा. टुङ्डे सेपेली, आस्ले टेसाराेलाे र जर्ज नियरिङले हिसान भक्तपुरको सहकार्यमा Integrated Development and Transformation (IDT) Nepal काे आयाेजनामा यही असाेज १३ र १४ गते थिमि स्थित टि बी अस्पतालसँगै रहेको स्वस्तिक कलेजमा Teachers Training on Pedagogy and Diversity in English Language Teaching विषयमा दुई दिने तालिम सफलतापूर्वक सम्पन्न गरियो । यस तालिममा हिसान भक्तपुर आवद्ध र अन्य विद्यालयका ३७ जना शिक्षक-शिक्षिकाकाे सहभागिता रहेको थियो । यस कार्यक्रम हिसान भक्तपुरका अध्यक्ष तथा माेडर्न स्कुल र कलेज सृजना नगर, भक्तपुरका प्राचार्य श्री अनिल कस्पालले स्वागत गर्दै स्वस्तिक कलेजको व्यवस्थापनकाे लागि धन्यवाद दिँदै तालिम शुरू भएको थियो भने तालिममा सहभागी सबै प्रशिक्षार्थीहरूलाई अमेरिकी दुतावास नेपाल RELO काे कार्यक्रम विशेषज्ञ श्री विश्वराज गाैतम, प्रशिक्षकहरू र हिसान भक्तपुरका अध्यक्ष श्री अनिल कस्पालद्वारा प्रमाणपत्र वितरण गरिएकाे थियो । तालिमको दाैरानमा IDT Nepal काे ACCESS Coordinator श्री मधुकर पाण्डेय र IDT Nepal काे तालिम संयाेजक दिपा सिलवालले विद्यार्थीहरूले घरमै बसेर कसरी अमेरिकी अनलाइन कक्षाहरू लिई प्रमाणपत्र प्राप्त गर्न सकिन्छ भन्ने बारेमा पनि प्रस्तुत गरिएको थियाे ।