धर्मिक ग्रन्थमा किन भनियो कलियुगको मध्य ?

कलियुगको मध्य नै भईसकेको हो ?
भागवतपुराणले घोषित गरेको १५ भविष्यवाणी वर्तमानसमयमा मिल्दै जानुले मध्य भएको आभाष हुन्छ ।
१) धर्म, सत्यता, स्वच्छता, सहिष्णुता, दया, उमेर, शारीरिकबल तथा सम्झनेशक्ति दिनानुदिन घट्दै जानेछ ।
२) धनमात्र मानिसको राम्रो जन्म, उचित व्यवहार र असलगुणको आधार मानिनेछ । कानुन र न्याय मानिसको शक्तिको आधारमा लागु हुनेछ ।
३) पुरुष र महिला केबल सतहीआकर्षणले गर्दामात्र मिलेर बस्नेछन् । व्यापार र सफलता केबल छलमा निर्भर हुनेछ । पुरुषत्त्व केवल शारीरिकसम्पर्कको अनुभव र क्षमताको आधारमा मापन गरिनेछ । र, मानिस एउटा डोरो बाँधेको आधारमा ब्राह्मण कहलिनेछ ।
४) व्यक्तिको आध्यात्मिकस्थिति बाहिरीचिज तथा वस्तुहरूमै निर्भर हुनेछ र यहि आधारमै व्यक्तिको अध्यात्म परिवर्तन हुनेछ । जीविकोपार्जन राम्रो गर्न सकेन भने व्यक्तिको मर्यादामा प्रश्न उठ्नेछ । जो धेरै शब्दहरूमा खेल्न सक्छ र गफ हाँक्न सक्छ, उ नै सबैभन्दा विद्वान ठहरिनेछ ।
५) कुनै व्यक्तिसँग धन छैन भने उ अधर्मी मानिनेछ । छल र कपटलाई सद्गुण मानिनेछ । केबल मौखिकसहमतिले विवाह गरिनेछ । स्नान गर्नुलाई नै सार्वजनिकरूपमा अरुको अगाडी आउन लायकभएको मनोविज्ञान हुनेछ ।
६) पवित्रस्थान केबल टाढा रहेको पानीको कुण्डमा सीमित हुनेछ । भुँडी भर्ने जीवको एकमात्र लक्ष्य हुनेछ । जो कठोर छ उ नै सत्यवादी कहलिनेछ । जसले परिवार पाल्नसक्छ उ विशेषज्ञ मानिनेछ र धर्मका सिद्धान्त प्रतिष्ठा जोगाउनको लागिमात्र पालना गरिनेछ ।
७) जब पृथ्वी यसरी भ्रष्ट मानिसहरूले भरिन्छ तब ती व्यक्तिहरूमध्ये जसले आफूलाई शक्तिशाली देखाउनसक्छ, उसले राजनैतिकशक्ति पाउने छ ।
८) अनिकाल र अत्याधिककरको कारण मानिसहरू पात, जरा, मासु, जङ्गलीमह, फलफूल र बीउ खान बाध्य हुनेछन् । खडेरीले गर्दा सबैकुरा बर्बाद हुनेछ ।
९) मानिसहरू चिसो, हावाहुरी, तापक्रमको वृद्धि, वर्षा तथा हिउँबाट प्रभावित हुनेछन् । यसको साथै आपसी झगडा, भोक, प्यास, रोग तथा चिन्ता तथा थकाईको शिकार हुनेछन् ।
१०) मानिसको उच्चतम उमेर ५० वर्ष हुनेछ ।
११) मानिसहरुले अब आफ्ना वृद्ध आमाबुबाको रक्षा गर्ने छैनन् ।
१२) मानिसहरुले केही पैसाको लागिमात्र पनि क्रोध पैदा गर्नेछन् । सबै मित्रवत् सम्बन्धलाइ त्याग्नेछन् र आफ्नो र अरुको ज्यान लिनको लागि तयार हुनेछन् ।
१३) संस्कार नभएका मानिसहरूले भगवानको लागि भनी, दान स्वीकार गर्नेछन्, जसलाइ धर्म र संस्कृतिको बारेमा ज्ञान हुँदैन । उनै सबैभन्दा अग्लोकुर्सीमा बसेर धार्मिकप्रवचन दिनेछ ।
१४) सेवकहरूले उसको मालिकको धन सकिएपछि छाड्नेछन् चाहे त्यो मालिक सन्त र उदाहरणीयव्यक्ति नै किन नहोस् । मालिकले परिवारमा पुस्तौबाट रहँदैआएका सेवकहरू अशक्त भएमा परित्याग गर्नेछन् । जब दुध दिन छोड्दछन् तब गाईहरू बेवारिसे छोडिनेछन् वा मारिनेछन् ।
१५) शहरहरू चोर तथा फटाहहरूले लिनेछन् । वेद नास्तिकहरूको गलत व्याख्याले भरिनेछ । राजनैतिकनेताहरूले बिस्तारै जनता भस्म पार्नेछन् । पण्डित तथा बुद्धिजीवीहरू पेट तथा जनेन्द्रियका भक्त हुनेछन् ।