सेयर बजारमा सकारात्मक संकेत

सेयर बजारमा सकारात्मक संकेत देखिएकाे छ । लगातार तेश्राे दिन पनि बजार बढेर बन्द भएकाे छ । बजार सुधारिँदा लगानीकर्ताहरु उत्साहित छन् । यद्ध्यपी लगानीकर्ताहरू फेस्टिभ मुडमा हुँदा काराेबार रकम भने केही प्रभावित भएकाे छ ।

नेपाल स्टक एक्सचेञ्जका अनुसार आज (बिहीबार) सेयर कारोबार मापक नेप्से परिसूचक १६.२९ अंकले बढेर १८५३.७६ विन्दुमा पुगेकाे छ । नेप्से ०.८९ प्रतिशतले बढेकाे हो । यता सेन्सेटिभ परिसूचक पनि ३.८३ अंकले बढेर ३६३.४२ विन्दुमा पुगेकाे छ ।
कूल २२३ वटा कम्पनीकाे १७ लाख ९१ हजार ४ सय ८० कित्ता सेयर खरिदबिक्री हुँदा ६३ करोड २४ लाख ७ हजार ६ सय २८ रूपैयाँ बराबरको कारोबार भएकाे नेप्सेले जनाएकाे छ ।