शिवरात्रीमा मानव धर्म सेवाद्वारा रक्तदान र महान सत्सङ् कार्यक्रम आयोजना

काठमाडौं । हिन्दुहरुको महान चाड महाशिवरात्रीको अबसर पारेर नेपाल मानव धर्म सेवा समिति काठमाण्डौले रक्तदान कार्यक्रम र महान सत्सङ् कार्यक्रमको आयोजना गरेको छ । समितिले आयोजना गरेको रक्तदान कार्यक्रममा ७० जनाले रक्तदान गरेका छन् ।

समितिले नै आयोजना गरेको महान सत्सङ्ग कार्यक्रममा समितिकी केन्द्रिय प्रमुख महात्मा चमेली बाइजीले वेलपत्र रुपी सत, तम र रज गुण शिवलार्इ चढाउनुपर्ने बताउनुभयो । मनुष्य शरिर नै साधनाको धाम भएकोले अहिले नै हामीले मोक्षको यात्रा अगाडि बढाउनुपर्नेमा पनि उहाँले जोड दिनुभयो । कार्यक्रममा बोल्दै उहाँले भन्नुभयो, ̏भगवान शिव पनि सधैभरी ध्यान गर्नुहुन्थ्यो । उहाँले कसको र के को ध्यान गर्नुभयो त्यो रहस्यलार्इ हामी सबैले बेलैमा बुझ्नुपर्छ ।˝

कार्यक्रममा बोल्दै नेपाल मानव धर्म सेवा समिति बाग्मती क्षेत्र प्रमुख महात्मा लता बाइजीले भगवान शिवका आखाँले हामीलार्इ सधै बाह्रयमुखी हुन होइन कि अन्तर्मुखी हुन सिकाइरहेको बताउनुभयो । भगवान शिवले ध्यान गर्नुभएको अमरनाथको गुफा हामी भित्र नै भएकाले त्यसलार्इ चिनेर जीवनमा अनुशरण गर्न सके यसले हाम्रो कल्याण गर्नेमा जोड दिनुभयो ।

शिव ज्ञानका प्रतिक हुन्। रात्रीको समयमा सानो झिल्कोले पनि ठूलो काम गर्ने बताउदै महात्मा त्रिगुणा बाइजीले शिवरात्रीको दिन कालरात्रीमा ध्यान बसि बढी भन्दा बढी शक्ति प्राप्त गर्न सकिने बताउनुभयो ।

कार्यक्रममा शिवले पिउनुभएको विष र विष सेवनले सन्सारलाई कसरी विनास हुनबाट बचायो भन्ने विषयमा केन्द्रित भएर बालबिलकाहरुले नाटक प्रस्तुत गरेका थिए भने, नृत्य, भजनले कार्यक्रमलाई रोचक बनाएको थियो ।