एकीकृत समाजवादीको बैठक सुरु हुन ढिलाइ

काठमाडौँ । नेकपा (एकीकृत समाजवादी) को ११ बजेका लागि बोलाइएको केन्द्रीय कमिटीको प्रथम बैठक अझै सुरु हुन सकेको छैन । पार्टीका शीर्ष नेताहरू आई नपुगेको भन्दै ११ बजेको लागि बोलाइएको बैठक सुरु हुन नसकेको हो ।

राजधानीको अर्पण व्याड्ंक्वेटमा बोलाइएको बैठक १ बजे सुरु हुने सूचना दिइएको छ । बैठक सुरु नहुन्जेलसम्म पदाधिकारी र केन्द्रीय सदस्यहरूलाई कार्यक्रमस्थल छोडेर नजान भनिएको छ ।

अहिले बैठकस्थल बाहिर बैठकमा सहभागी हुने नेताहरूको भीड बढ्दै गएको छ । बैठकस्थल बाहिर कोही पुस्तक पढ्ने त कसैले सेल्फी लिइरहेका दृश्यहरू देख्न सकिन्छ ।