जापानमा कीर्तिमानी वर्षा, बाढीले हजारौंलाई सुरक्षित स्थानमा सारियो

टोकियो: जापानमा भारी वर्षापछि आएको बाढीका कारण ६ जनाको मृत्यु भएको पुष्टि भएको छ भने १० जना अझै हराइरहेका छन्। कीर्तिमानी वर्षाले इशिकावा प्रिफेक्चरको केही क्षेत्रलाई बाढी र पहिरोको चपेटामा पारेको हो। शनिबारदेखि सुरु भएको भारी वर्षाले सोमबार मध्याह्नसम्म इशिकावा प्रिफेक्चरका वाजिमा र सुजु शहरमा ठूलो क्षति पुर्याएको छ। आइतबार मात्र यी दुवै सहरमा एकै दिनमा महिनाभरि पर्ने पानी खसेको स्थानीय सञ्चार माध्यमहरूले जनाएका छन्।

बाढीले जनजीवन अस्तव्यस्त पारेको छ, हजारौं नागरिकलाई सुरक्षित स्थानमा सारिएको छ, र उद्धार कार्यमा सेना र आपतकालीन टोलीहरू परिचालित भएका छन्। स्थानीय प्रशासनले जोखिमयुक्त क्षेत्रमा थप सतर्कता अपनाउन र जनतालाई सुरक्षित स्थानमा बस्न आग्रह गरेको छ।